Күз жеміс- жидекке, көкөніс пен мол өнімдерге бай,жомарт мезгіл. Осы алтын күздің құрметіне балабақшада «Күз» ертеңгіліктер апталығын  мектепалды даярлық топтар  жалғастырды. Мереке  басында балалар күз,жеміс- жидек, көкөніс,табиғат құбылыстары туралы жұмбақтардың жауабын тауып тапқырлықтарын көрсетті.Балалар күз мезгілі туралы тақпақтарын оқып,би билеп,әннен шашу шашты. Музыка  залында күз әуендері  шарықтады. Мерекеде  балаларға  ертегі кейіпкерлері көңілді қызанақ пен қоян қонаққа келіп,балалармен ойындар ойнап мол өнімді жинап алуға көмектесті.Сонымен қатар балалар арасында «Ғажайып көкөністер» сайысы өтті. Сайыс ережесі бойынша көкөністерден әр түрлі кейіпкерлерді дайындап шебер қолдар әр түрлі кейіпкерлерді жасап көрсетті. Қорыта келе айтарымыз, біз жомарт,алтындай сары күзді ойдағыдай қарсы алдық.