14.02.2018 жылы Тілек бөбекжайының бүлдіршіндері мен тәрбиешілері Ж.Бектұров атындағы Қарағанды облыстық жасөспірімдер кітапханасына барды. Балаларға қызмет көрсету бөлімінің басшысы Жарқынай Мүсілімқызы және «Тілек» бөбекжай психологі Тукенова Бақытжан Жанбырбаевнаның ұйымдастырылумен өткізілген «Бүлдіршіндерге кітап сыйла» атты акциясы өтті. Акцияның басты мақсаты балалардың кітапқа, ертегі шығармаларға деген қызығушылықтарын арттыру, кітаптың құндылығын насихаттау бүгінгі күннің басты мәселесі болғандықтан балалардың түрлі ертегі оқуына ұйытқы болу. Акция барысында кітапхана қызметкерлері балаларға кітаптың құндылықтарын түсіндіріп, кітаптың бала өмірінде ерекше орын алатынын атап айтты. Содан соң балаларға ертегі кітаптар сыйлыққа беріп бүлдіршіндердің көңілің қуанышқа бөледі. «Тілек» бөбекжайының бүлдіршіндері де тақпақтарын, әндерін айтып кітапхана қызметкерлеріне қуаныш сыйлады. Акция өз мақсатына жетіп, балалар мен тәрбиешілер мол рухани азық алып тарасты. Мұндай шаралар алдағы уақытта жалғасын табатын болады.