«Балбөбек» бөбекжайы» КМҚК-да Ұлыстың Ұлы күні Наурыз мерекесін айрықша бағалап, оны жыл сайын тойлап отыруды салт-дәстүрге айналдырған. Бұл күні шаттанбайтын, қуанбайтын, мейірленбейтін адам болмаған. Сондықтан барлық ересек топтарында «Наурыз думан» атты ойын-сауығы өткізілуде. Ойын-сауықта әжелер ұлттық салт-дәстүрлермен таныстырса, бүлдіршіндер Наурыз мерекесі жөніндегі білген-түйгенін ортаға салып, өлеңдерін, тақпақтарын, билерін арнады. Сонымен қатар ойын-сауыққа қазақ ертегіліерінің кейіпкерлері қонаққа келіп, ұлттық ойындар ойнатып көңіл-күйлерін көтерді. Қыдыр ата келіп, ақ батасын беріп, Наурызды татулықпен, достықпен, бірлікпен өткізуге шақырды.