Адам өміріндегі ең үлкен бақыт-ұрпақ өсіру, бала тәрбиелеу. Бүгінгі бала елдің ертеңі, болашағы, ұлттың жалғасы. Иә, қай мемлекет болсын, бала тәрбиесіне ерекше көңіл бөлетіні сөзсіз. Өйткені, өскелең ұрпақ елдің ертеңгі тізгінін ұстар азаматтары. Жаздың бірінші күніне дәл келетін, балаларды қорғау күні-халықаралық мерекелердің бірі. Балаларды қорғау дегеніміз - әрбір сәбидің тыныштығын қорғау,тәтті ұйқысын бұзбау,алаңсыз күлкісін тоқтатпау деген сөз. Бұлтсыз күн, ашық аспандай, нұрын шашқан күн сәулесіндей біздің балаларымыз бейбіт өмір сүрсе екен,олардың жүректерін қайғы мұң шалмаса екен деп тілей отырып біздің «Балбөбек» бөбекжайында балабақша бүлдіршіндеріне арналған мерекелік спорттық ойын-сауық өтті. Балалар би билеп, тақпақ айтып, ән шырқады. Сонымен қатар көңілді кейіпкерлермен бірге көңілді ойындар ойнады.