Қарағанды қаласы әкімдігінің 2018 жыл 01 тамызда бекітілген «Қазақстан халқы тілдері күніне арналған іс-шаралар жоспарына» сәйкес Қарағанды қаласы «Балбөбек» бөбекжайы» КМҚК-нда ҚР Тілдер күні 5 қыркүйектен 12 қыркүйек аралығында апталық өткізілді. Бекітілген уақыт аралығында өткізілетін іс-шаралар жоспары бойынша «Тіл – халықтың байлығы» атты көрме бұрышы ұйымдастырылып, «Бабамның тілі – ұрпағына аманат» мәнерлеп оқу сайысында №3 «Аяла» тобының бүлдіршіні Боранкулов Бейбарыс пен №9 «Еркетай» тобының бүлдіршіні Гильдебрант Давид өз өнерлерін жақсы дәрежеде көрсете білді. «Тіл – халық мұрасы» педагогтармен танымдық ойын өткізіліп, педагогтар өз білімдерін ортаға салды. Ортаңғы топ балаларымен «Достық әні» ойын-сауық кеші өткізіліп, ересек топ балаларымен «Халық ойындары» ұйымдастырылып, балалар шад-шадыман болды.