Қарағанды облысының білім беруді дамыту оқу-әдістемелік орталығы  @umckrg  «Алғашқы ұстаз - ата-ана» қазақ тілін оқытудағы ата-аналар мектебі атты ұзақ мерзімді әлеуметтік-педагогикалық жобасын әзірледі.

Жоба мақсаты: мектеп жасына дейінгі балаларды қазақ тілінде оқыту мәселелерінде жас ата-аналардың педагогикалық мәдениетін арттыру, жас ата-аналар мен мектепке дейінгі ұйымдардың педагогтеріне  консультациялық-әдістемелік көмек көрсету.

Міндеттері:

1. Мектеп жасына дейінгі балаларды қазақ халқының ұлттық дәстүрлерін көрсету арқылы отбасылық тәрбиенің оң тәжірибесін насихаттау.

2. Жұмыстың ең тиімді түрлерін іздеу және енгізу арқылы мектеп жасына дейінгі балаларға қазақ тілін оқыту процесінде ата-аналардың педагогикалық білім деңгейін арттыру.

3. Ата-аналарға педагогикалық кенес беру.

4. Әр баланың отбасымен серіктестік қарым-қатынас орнату, қазақ тілін үйрену үшін күш-жігерді біріктіру және мектеп жасына дейінгі балаларды қазақ халқының ұлттық салт-дәстүрлерін үйрету.

5. Әрбір отбасында мектеп жасына дейінгі балалардың қазақстандық патриотизм сезімін қалыптастыру бойынша ата-аналардың педагогикалық құзыреттілігін арттыру.