20 наурыз 2018 жылы  №33 МБК-де Ұлыстың ұлы күні мерекесіне арналған  «Ата - баба дәстүрі - асыл мұра» атты мерекелі кеш өтті. Мерекелік кешті   4 сынып оқушыларымен  қазақ тілі мұғалімдері:  Адежанова М. Б. мен Исқанова Ж. Қ  ұйымдастырды.  Наурыз мерекесінде өзге ұлт өкілдері қазақтың салт –дәстүрі бойынша    «Қыз балаға сырға салу» рәсімін көрсетті. «Асық», «Арқан тартыс» сияқты ұлттық ойындарын ойнап, Татьяна мен Есения  қазақ халқының күйлерін нақышына келтіре тартып, Милена мен Кирилл қыз бен жігіт айтыстарын орындап,  жоғары дәрежеде оқушылар өз өнерлерін көрсете білді. Жылуын төккен көктем мерекесі оқушылар үшін өте көңілді өтті.