Қарағанды қаласының №33 Мектеп – балабақша кешенінде 3 «А» сынып оқушыларының қатысуымен «1 желтоқсан – Тұңғыш Президент күні» қарсаңында «Менің Елбасым» атты танымдық ойын жүргізілді. Қазақстан Республикасының президенті туралы түсінік, қоғамдағы өзгерістерден сырт қалмау, болашаққа өз үлесін қоса білетін ізденімпаз ұрпақ етіп тәрбиелеу мақсатында өткізілген бұл танымдық ойында оқушылар түрлі ойындар, викториналық сұрақтар, тестерге қатысып өз білімдерін көрсете білді. Сонымен қатар Нұрсұлтан Әбішұлы Назарбаев жайында тақпақ, өлеңдер оқып, ән айтып, би биледі. Үйден дайындап келген «Менің Елбасым» тақырыбына жазылған шығармаларын оқыды.