Таңғы жиналысымызда бүгінгі күнді шығармашылық күні етіп жарияладық. Бұл мереке 6  аталымнан тұрады: бишілер; жазушылар; суретшілер; ақындар; сәнгерлер; әртістер. Бесеуіне балалар 1 сағаттың ішінде дайындалса, ал алтыншысы сахнада көрсетілетін болды. Балалар өз таңдауларымен қалаған аталымды таңдай алды. Мұның бәрі мектеп оқушыларының  ойлау қабілетіне, шығармашылық, техникалық танымдарына, жеке тұлға ретінде қалыптасуыларына үлкен үлес қосқаны сөзсіз. Кейін балалар Абай атындағы Қарағанды облыстық балалар кітапханасына жол тартты. Онда ең алғашқы басылымдар туралы біліп, танымдық викторинаға  ат салысты. Барлық балалар өздеріне қызықты мәлімет алып қайтты.