№ 33 мектеп-балабақша кешенінде Тәуелсіздік күніне орай 4-сынып оқушыларының арасында «Отан-тарих, Отан-жыр...» атты викторина өткізілді. Іс-шараның  мақсатында оқушылардың ой - өрісін, сана - сезімін дамыту, туған ел, Отан туралы оқушылардың сөйлеу дағдыларын қалыптастыру, сөздік қорын молайту, есте сақтау қабілеттерін арттыру көзделді. Викторина елбасымыздың мынадай сөздерімен басталды: «Біз бәріміз бір атаның - қазақ халқының ұрпағымыз. Бәріміздің де туған жеріміз біреу: ол қасиетті қазақ даласы. Бұл дүниеде біздің бір ғана Отанымыз бар: ол тәуелсіз Қазақстан»- деген болатын елбасымыз Н. Ә. Назарбаев.     

Викторина сайыс түрінде өтті. Оқушылар:«Қыран» тобы, «Бәйтерек» тобы,  «Шаңырақ» тобы болып өзара үш топқа бөлінді..

 Викторина 4 кезеңнен тұрды:

І. Ұяшықты таңда

ІІ. Бинго

ІІІ.Сөзді тап

ІV.Мықты болсаң, тауып көр

Сонымен бірге, балалар Отан, тәуелсіздік туралы өздерінің жылы лебіздерін, айтар ойларын ортаға салып, патриоттық сезімдерін білдіре алды.

         Викторинаға директордың оқу ісі жөніндегі оорынбасарлары Ескеева С.Ж., Бейсенбекова А.Ж. және қазақ тілі мен әдебиет мұғалімі Адежанова М.Б. қатысып, іс-шара жөнінде өз пікірлерін айтты.

Өткізген: қазақ тілі мен әдебиет  пәнінің мұғалімдері- Нугманова Ж.А., Акпарова М.А.