№33 мектеп-балабақша кешенінде темекіден бас тарту апталығы өтуде.

Жыл сайын 31 мамыр күні ДДҰ Дүниежүзілік темекіден бас тарту күнін атап өтеді, яғни темекіні тартудан денсаулыққа келтірілетін қауіп факторына назар аударту және оны пайдаланудың шеңберін азайту бойынша шаралар насихатталады. Темекі тарту өлімге алып келетін себептер ішінде екінші орында тұр (гипертензиядан кейін), сондай-ақ қазіргі заманда бүкіл әлемде он ересектің біреуі осының салдарынан көз жұмуда.

Дүниежүзілік денсаулық сақтау ұйымы (бұдан әрі - ДДҰ) 2011 жылдың Дүниежүзілік темекіден бас тарту күнінің тақырыбы «Темекімен күрес жөнінде ДДҰ негіздемелік келісімі» (бұдан әрі – ТКНК ДДҰ) болып бекітілді.

ТКНК ДДҰ мақсаты – қазіргі және болашақ ұрпақты адамдардың денсаулықтарын құртатын, сондай-ақ әлеуметтік, экономикалық және экологиялық теріс салдарға алып келетін темекіні пайдалану мен темекі түтінінен қорғау. ТКНК ДДҰ өз күшіне 2005 жылы ақпанда енген. Қазақстан Келісімді 2006 жылы қарашада бекітті. ТКНК ДДҰ-да темекімен күресу шаралары ұсынылған, олар темекі пайдаланудың таралуын айтарлықтай азайтуға және темекі шекпейтін халыққа темекі түтінінің ықпалын төмендетуге себеп болулары тиіс, яғни олар мыналар: темекі жарнамаларына тыйым салу, темекі өнімдерінің қораптарына ескерту жазбаларын орналастыру, салықты жоғарылату, темекі түтінінен халықты қорғау, темекі шегуді тоқтатуда бірігіп жұмыс істеу және контрабандамен күресу. Аталған шаралар елде ұлттық, аймақтық және халықаралық деңгейде жүзеге асырылуы тиіс.