Қош бол, аяулы мектебім!

  2014 жылдың 18 маусымында №33 мектеп -балабақша кешенінде 11 сынып түлектерінің мектеппен қоштасу кеші өтті. Салтанатты жиынға мектеп бітіруші түлектермен қатар олардың ата-аналары,мұғалімдері және мектеп әкімшілігі қатысты. Бұл кеште орта білім туралы куәілкпен қатар ҰБТ-де алған сертификаттар және үздік оқыған оқушыларға марапаттау қағаздары табыс етілді. 

 Құттықтау сөзін №33 мектеп -балабақша кешенінің директоры Cейтимбетова Қоланшаш Тулековна бастады,сонымен қатар ата-аналары,мұғалімдері түлектерге сәт-сапар тілеп, жақсы тілектерін білдіріп жатты.

 Бұл жиында түлектер оз ұстаздарына, ата-аналарына алғысын білдіріп өлең шумақтарын және әндерін арнап шырқады.

Жас түлекке тілек!

Арманыңда, жаныңда жалын ән бар,
Жас талапкер, сөзіме көңіл аудар.
Бұрынғыдай күтпейді мектеп сені,
Бұрынғыдай соғылмас қоңыраулар.
Мектеп қайта есігін ашпас енді,
Өмір – ұстаз, ақылды, ақ шаш өңді.
Басқаша енді үйретер бар сабағын,
Қоңыраулар соғылар басқаша енді.
Былтырғыдан басқаша биыл демек,
Білімің мен ақылың, күйің бөлек,
Енді басқа жиын-той, киім керек,
Енді саған шынайы сүю керек.
Сұрақ басқа оп-оңай шешілмейді,
Жаса қанша тентектік, есір, мейлі.
Мектептегі мұғалім кешіргенмен,
Өмір - қатал, ол күнде кешірмейді.
Даусыз ол күн есіңде сақталар,
Жазылмаған өмірдің ақ парағы,
Жаңа дастан күтеді, жазуыңды
Күтпейді тек кластың тақталары,
Енді сені күтеді барлық жолдар,
Күтпейді тек мектептің парталары.
Кездеседі дауыл да, дабыл да көп,
Дамылдама, қаймықпа, қабылда кеп.
Үлкен ойдан үлкен іс туар, ойлан,
Болашақтың тағдыры қолымда деп
Уақыт та емтихан алар,
Ол сын қорқыта алмас.
Көңілге сенім қонсын.
 Емтиханда, өмірде жолың болсын.