1 – мамыр мерекесі қарсаңында №33 МБК-де «Жас Ұлан» ,«Жас қыран» ұйымына қабылдау салтанатты кеші өткізілді. Қабылданатын оқушылар «Жас қыран» қатарына өтудің жауапкершіліктің мол екенін сезіне білді. Оның қатарына қабылданған оқушы мектептің қоғамдық жұмысына белсене араласып және сабақтарын үздікке оқып, өз елінің мақтанышы болатын азамат болуына міндеттейтінін сезінді.

  Салтанатты жиын Қазақстан Республикасының әнұранымен ашылды. Онда мектеп ұстаздары мен ата-аналар қатысты. Ұйымға қабылданушы оқушылар «Өз Отаны – Қазақстанның патриоты болуға, «Жас қыран» ережесін бұлжытпай, сақтап отырып, өзінің достарынан соны талап ете отырып, Отанды сүюге» салтанатты түрде ант берді. Қонақтар жас қабылданушыларға галстуктарын тағып, кеуделеріне төс белгілерін қадап берді. Мектеп директоры Қ.Т. Сейтимбетова сөз сөйлеп, «Жас Ұлан» , «Жас қыран» ұйымдарына қабылдағандарды құттықтап, тілегін айтты. Салтанатты жиынның жабылу рәсімі «Жас Ұланның» әнұранымен аяқталды.