10 ақпан күні «Шахтер» стадионында «Қарағанды, мерейтойыңмен!» атты мұз айдынындағы шоу ұйымдастырылды. Оған қатысқан мотоциклдер мен автомобильдерге мінген жүргізушілер көліктерді шебер басқару үлгілерін көрсетсе, жиналған қауым мен қала қонақтарын хоккейшілер мен мұз айдынында мәнерлеп сырғанушылар өздерінің өнерлерімен тәнті етті.
Мерекелік шарада сөз алған қала әкімі Мейрам Смағұлов мерекеге жиналған қауымды қала күнімен құттықтап, қаламыздың қарышты дамуына үлес қосқан аға буын өкілдері мен бүгінгі таңда өздерінің қажырлы еңбегімен ел табысын еселей түсуге негіз қалап отырғандарға алғысын білдірді. Сондай-ақ, мерейтой құрметіне орай ұйымдастырылып отырған мұндай шара көпшілік арасында  салауатты өмір салтын қалыптастыруға ықпал ететіндігіне тоқталып өтті.
Күннің суықтығына қарамастан мерейтойлық шоуды тамашалауға келген қарағандылықтар мұз айдынында өнер көрсеткен кәсіпқойлардың шеберліктеріне дән ризашылықтарын білдірді. Мерекелік шара соңы түрлі-түсті отшашуға ұласты. Біздің мектебіміз мерекелік айдынындағы шоуды тамашалауға барды!