Осы жылдан бері көпұлтты еліміздің барлық аймақтарында жылсайын Тілдер мерекесі аталып өтілуде.

Тілдер мерекесінің ерекшелігі – адам мен адамды, ұлт пен ұлтты жақындастыратын, достастыратын, олардың бір-бірінің ұлтына қарамастан, бауырмалдық сезімдерін нығайта түсетін күн. Бұл мереке халықтардың ынтымақтастығын, бірлігін күшейте түсетіні хақ.  Абай айтқан «Адамзаттың бәрін сүй, ‘бауырым’ деп»  деген данагөй сөздері соның айғағы болса керек.

№33 мектеп-балабақша кешенінде де бұл мереке мектеп ұстаздары мен оқушылар ұжымының арқасында өз деңгейінде өткізіліп жүр. Тілдер мерекесіне арналған онкүндікте мектебімізде түрлі шаралар өтті. Атап айтатын болсақ, Адежанова М.Б. уйымдастыруымен өткен «Тіл-тірегім, соғып тұрған жүрегім» атты әдеби кеш, Катпина А.К. және Исағұл Қ.Е. ұйымдастыруымен өткен «Қазақшаңыз қалай?» атты мұғалімдер арасындағы сайыс, Битлеуова Т.Б. басшылығымен өткен 5-6 қазақ сыныптары арасында өткен «ХХІ ғасыр көшбасшысы» атты сайыс, Жанабаева З.С.  ұйымдастыруымен өткен «Туған тілім –тірлігімнің айғағы» атты тәрбие сағаты, сонымен қатар Кириченко К.Ю.  және оқушылар ұжымының ағылшын тілінде дайындағын «Бауырсақ» ертегісі және т.б.

         Әрине, осындай іс-шаралар тіл мәртебесін көтеруде, білім ордаларында шәкірттердің тіл үйренуге талпыныстарын, қызығушылықтарын арттыруда көп ықпал етеді.

Түйіндей келе, бұл шаралар осы мерекемен ғана шектеліп қалмай, әрі қарай өз жалғасын табады деп ойлаймыз. Ұлы жазушы Мұхтар Әуезовтің «Ұлттың тілі – сол ұлттың жаны, жан-дүниесі. Ол жүректі соқтыртып тұрған қан тамыры сияқты. Егер де қан тамыры жабылып қалса, жүрек те соғуын тоқтатпай ма?» - деген ұлағатты сөздері бар. Олай болса ұлт тілдері дамып, өркендей берсін дейік.