«Білімді азамат қана биік белестерді бағындырады, бәсекеге қабілетті бола алады. Елдің болашағы –сана сезімі жоғары, ойы озық өскелең ұрпақтың қолында», – дегенді зейінді жастарға қаратып айтқан Елбасы. «Ұлы дала мұрагерлері»  форумы 2019 жылдың 15-16  қарашасында Қарағанды  қаласында өтті. 16 қараша күні №33 мектеп-балабақша кешенінде шеберлік сыныптар бес бағытта  ата-аналармен жүргізілді: Көптілділікті енгізу, критериалды бағалау, жаңартылған білім беру мазмұны, инклюзивті білім беру, вариативті курстар. Шебер сыныптары бойынша мұғалімдер  әзірлемелерінде қойған оқу мақсаттарына жетіп, ата-аналар жақсы кері байланыс беріп, жақсы пікірлер айтылды. 15 қараша күні «Жастар» спорт кешенінде  өткізілген Қолөнер шеберлері «Шеберлер қаласы» қайырымдылық жәрмеңкесіне әрі зергерлік бұйымдар, қолдан жасалған бұйымдарын  ұсынды. Ал, кітап оқуды насихаттау, оқуға деген қызығушылығын арттыру, рухани мәдениетін көтеру мақсатында «Оқы және өзгеге ұсын!» атты буккроссинг  жобасының аясында кітап оқуды насихаттауға бағытталған акция өткізілді. «100 кітап» жобасы бойынша мектеп кітапханашылары С.А.Агафонова мен Е.А.Рябцева 1-қабатта кітап көрмесін ұйымдастырды. Оқушылардың бос уақытын және кәсіпке деген қызығушылығын арттыру мақсатында «Ата-ананың жұмыс орнында 10 күн» әлеуметтік тәжірибесі қолға алынған болатын. Осы жобаға жетекшілік ететін орыс тілі мен әдебиеті пәнінің мұғалімі бағыт-бағдар беріп, оқушылар өз жобаларын жоғары деңгейде дайындады. Ата-аналардың, қонақтардың зор ықыласына ие болды.