Ана тілім, дана тілім, бақ тілім, Сенсіз бақыт дүниеден тапты кім? Сенсің менің қуанышым, шаттығым, Сенсің менің тазалығым, пәктігім. Әр адам өзінің тілін шыр етіп дүние есігін ашқаннан бастап құлағына сіңіруі тиіс. Себебі, тілін білген адамның ғана бойында патриоттық сезім қалыптасады. Олар елге, ұлтқа пайдалы мәселелерді қозғап, жауапкершілікті сезінеді. Өйткені, мемлекеттік тіл елімізде аса маңызды да, ең өзекті мәселе. №33 МБК-да 5-16 қыркүйек аралығында Қазақстан Республикасының Тілдер күні мерекесіне арналған тілдер апталығы өтті. Қазақ тілі пәні мұғалімдері Катпина А.К. мен Исағұл Қ.Е. ұйымдастыруымен «Тіл мәртебесі-ел мәртебесі» атты 10 сынып оқушылары арасында сайыс өтті. Оқушылар өздерінің пәнге деген қызығушылықтарын аңғартып, ән мен жырдан шашу шашып, оқушылар қазақтың ұлттық биін шабыттана орындады. 10-сынып оқушысы Шермахаммадов А қазақ тілінде жаңылмай жаңылтпашты айтып шыққандығы дүйім жұртты таңғалдырды. Түйіндей келе, бұл шаралар осы мерекемен ғана шектеліп қалмай, әрі қарай өз жалғасын табады деп ойлаймыз. Ұлы жазушы Мұхтар Әуезов «Ұлттың тілі – сол ұлттың жаны, жан-дүниесі. Ол жүректі соқтыртып тұрған қан тамыры сияқты. Егер де қан тамыры жабылып қалса, жүрек те соғуын тоқтатпай ма?» - деп тура айтқан. Олай болса, тілімізді қадірлей білейік!