Біздің «Мөлдір» бөбекжайда қарашаның 13 жылдызында «Менің отбасым» тақырыбында қазақ тілі мұғалімі Оразбекова Алмагүл Сагинтаевна «Жұлдыз» мектепалды даярлық тобымен ашық ұйымдастырылған оқу қызметін өткізді. Педагог өз сабағында отбасының басты қазығы, алтын діңгегі – бала. Отбасы ата-ана мен баланың, отбасы мүшелерінің жылы қарым-қатынасынан құрылады. Отбасы берекелі, тату болу үшін сыйластық, мейірімділік, жанашырлық, бауырмалдық қасиеттер әр адамның жүрегінен орын алуы керек екенін балаларға түсіндіре білді.Педагог өзінің кәсіби шеберлігін көрсетіп, орыс тобы балаларының қазақ тілінде еркін дұрыс жауап беруіне ықпал жасады. Балалар белсенді, нақты сөз тіркестерімен, сөйлемдермен жауап беріп, өз отбасына деген сүйіспеншіліктерін көрсете білді. Сабақ барысында инновациялық технологияларды пайдаланумен қатар, әр алуан ойындар ойнатылды. Сабақ өте тартымды, қызықты өтті. Алмагүл Сагинтаевнаға еңбек жолында қанатыңыз талмасын , биіктен көрініе беріңіз деп тілейміз!