«Қош бол, сүйікті бөбекжайым!» тақырыбында ересек топ бүлдіршіндерінің бөбекжайды бітіру ертеңгіліктері өз мәресіне жетті. Ата-аналар мен балалардың, тәрбиешілердің қимастық сезімдері мен әсерлі көңіл-күйлері қатты сезілді.Балалардың да бір саты есейгені байқалды. Қымбатты ата-аналар, бөбекжай қызметкерлері! Кішкентай болып кіріп, ақыл- ойлары толысып, жақсы мен жаманды айыра білуге үйренген тәрбиеленушілеріміз таудай талаптары мен мектеп атты білім ордасына қадам аттағалы отыр: -Сүйікті , біздің бүлдіршіндер! «Мектеп – кеме, білім - теңіз» деген, сендер енді «мектеп» атты кемеге мініп, «Білім» теңізіне сапарға аттанасыңдар. Алдарыңнан «Болашақ білім ордасы» мектептің есігі айқара ашылсын! Біздің бүлдіршіндерімізге сәт- сапар, ақ жол тілейік!-деген тәрбиешілер мен педагогтер жас түлектерге сәт сапар, жүрекжарды тілектерін білдірді. Бізден ұшып талмай қанат қағыңдар, Жүректерден арман отын жағыңдар. Жақсы оқып алтын ұя мектепте, Бұл өмірден бақыт жолын табыңдар. Бәріңдіде сәби деп сүйетін, Өздеріңді біз сағынып жүрейік. Құтты болсын қадамдарың аттаған, Біз сендерге сәтті сапар тілейік!