Денсаулықтың кепілі – салауаттылық. Қарағанды қаласының 85 жылдық мерейтойы аясында және 1 маусым Халықаралық балаларды қорғау мерекесі қарсаңында ұйымдастырылған қалалық «Толағай» спорттық сайысы басталды. «Толағай» спорттық сайысы: педагогтер мен мектепке дейінгі балалар арасында салауатты өмір салтын насихаттау, қалалық мектепке дейінгі ұйымдар арасындағы сабақтастықты нығайту, мектепке дейінгі жастағы ересек топ балаларында спорттық және қимылдық дағдыларды дамыту мақсатында болғандықтан, балалардың белсенділік танытып сайысқа белсене қатысқанын мақтаныш етеміз! «Толағай» спорттық сайысында «Мөлдір» бөбекжайының балалары : Біз толағай, біз толағай, Тау көтерген баладай. Ұмтыламыз жеңіске, Қиындыққа қарамай. Алға достар, бастаңдар, Ақ көңілдер аспандар. Бас иеді біздерге, Асу, асу асқарлар –деген әнімен бастап, жүлделі 1 орынды иеленді, балаларымыз жеңімпаз атанып, бөбекжайымыздың көзайымына айналды. Балаларға алар асуларың молынан болсын! –деп ізгі ниетімізді білдіреміз! Деніміз сау, еліміз тыныш, балаларымыз аман болсын!