2012 жылдың 19 қыркүйегінде Тілдер мерекесіне орай өткізілген апталық барысында 7-8 сыныптар арасында «Көп тіл білсең, көкжиегің кең болар» атты аудармашылар сайысы өтті.

            Аудармашыларға арналған тапсырмаларды қазақ тілі мен әдебиеті пәні мұғалімдері Асрепова А.Н., Жақыпбай Ж.М., орыс тілі мен әдебиеті пәнінің мұғалімі Вьюхина И.В. және ағылшын тілі пәнінің мұғалімі Морочковская М.Ю. дайындады.

            Сайыс кезінде 7-8 сынып оқушылары «Менің Қазақстаным» мәтінін қазақ тілінен орыс тіліне аударды.  Қазақ тіліндегі мақалдардағы түсіріліп қалған сөздерді тауып, оны орыс және ағылшын тілдеріне аударды.

            Орыс тілінің лексикасы мен сөзжасамына байланысты лингвистикалық тапсырмаларды оқушылар қызыға орындады.

            Ағылшын тіліндегі жұмбақтарды дұрыс шеше білген сайыскерлер, жаңылтпаштарды да еш қиындықсыз  шебер айта білді.

            Аудармашылар сайысының қорытындысы бойынша ең мықты деген сыныптар жеңіске жетті: 1 орын - 8Б сыныбы, 2 орын – 8А сыныбы және 3 орынды 7В сыныбы иеленді. Жарайсыңдар!