2022 жылғы 21 сәуірде Қарағанды қаласының мүмкіндігі шектеулі балаларға арналған балалар үйінде Жас натуралистер станциясының «Гүл өсіруші дизайнер» үйірмесінің тәрбиеленушілерімен «Ағаш отырғыз» акциясы өткізілді. Акцияның мақсаты – балаларды табиғатқа қамқорлықпен қарауға тәрбиелеу, балалар үйінің аумағын көгалдандыру. Акция барысында балаларға ағаштардың табиғаттағы рөлі, көшеттерге дұрыс күтім жасау жолдары түсіндірілді. Балалар көшеттерді қазылған шұңқырларға отырғызып, тамырын топырақпен ұқыптап жауып, суарды. Әр бала өз ағашын отырғызғысы келді.  

  Балалар үйінің аумағында тікенді өрік және жеміс ағаштарының 10 көшеті отырғызылды. Енді осы көшеттердің жайқала өсіп, үлкен әрі жасыл баққа айналғанын қалаймыз. Акцияға үйірменің 20 тәрбиеленушісі қатысты.