2022 жылғы 8 сәуірде Жас натуралистер станциясымен ынтымақтастық аясында №54 жалпы білім беретін орта мектептің 6-сынып оқушыларымен кездесу өтті. Кездесуге Жас натуралистер станциясының директорының ӘЖ бойынша орынбасары Н.К.Олишевец және қосымша білім беру педагогі А.М.Қалықбергенова барып қайтты. Аталған басқосу мектепте өткізілетін экология апталығына орай ұйымдастырылды.  

   Әңгіме барысында оқушыларға Қарағанды қаласының бұрыннан келе жатқан білім беру мекемелерінің бірі туралы көптеген қызықты мағлұматтар берілді. Жас натуралистер станциясындағы білім беру процесі 11 қалалық білім беру ұйымдарының базасында және станцияның агробиологиялық учаскесінде жүзеге асырылатындығын,  станция аумағында агробиологиялық учаскелер, яғни, бөлме өсімдіктерінің 90-нан астам түрі өсірілетін жыл бойы қызмет беретін жылыжай (211 ш. м.), гүл және көкөніс дақылдарының көшеттерін өсіруге арналған 2 маусымдық жылыжай (20 ш.м.); үйірмелердің бағыты бойынша тәжірибе жасайтын учаскелер мен шағын дендрарий жайлы ақпарат алды.

   Оқушылар практикалық сабақтарда үйірме тәрбиеленушілері өсіретін сирек кездесетін өсімдіктер, сондай-ақ бөлме өсімдіктері, олардың адамдар үшін маңызы туралы баяндаманы қызығушылықпен тыңдады.

 Содан кейін Н.К. Олишевец Қазақстанның флорасы мен фаунасы, үкімет тарапынан қорғауға алынған табиғи аймақтар (қорықтар, ұлттық парктер, ботаникалық бақтар) туралы айтып берді. Сондай-ақ, қазақ даласының әрі сәні, әрі киесі мен қасиеті болған киіктердің арқа төсіндегі тіршілігі жайлы әңгімені ұйып тыңдады. Қоршаған ортаны қорғау мәселесіне қатысты пікірлерді  ден қойып тыңдап, көптеген сұрақтар қойды. Тамаша өткен осы іс-шараның соңында станция педагогтері оқушыларды мекеменің агробиологиялық учаскесіне шақырды