2022 жылдың 28 наурызы күні Е.А. Букетов атындағы  Қарағанды университетінің химия факультетінің 1-3-курс студенттері Жас натуралистер  станциясына саяхаттап келді.

 Станция қызметкерлері мен педагогтері студенттерді Жас натуралистер станциясының жұмысы, оның құрылу тарихымен таныстырды. Станция қабырғасында экологиялық-биологиялық бағытта жұмыс жүргізіп, қазіргі таңда 615 оқушы қатысатын 10 үйірменің қызметі жайлы әңгімеледі.

   Біздің балаларымыз қала мектептерінде өтетін түрлі акцияларға қатысып, экологиялық соқпақтар түзіп, өздері оларға экскурсиялар жүргізіп, зерттеулер жасайды. Оқушылардың танымдық қызметін дамыту мақсатында педагогтердің өздері де шығармашылықпен айналысып, жақында олар табиғи материалдардан қуыршақтар тігіп, жас натуралистер станциясына стенд ұйымдастырды.

    Студенттер үшін агробиологиялық учаскеде экскурсия жүргізілді. Станция аумағында қылқан жапырақты ағаштар, алма ағаштары тәлімбағы бар, сонымен қатар онда сәндік бұталар, гүлдердің алуан түрлі сұрыптары өсетін учаскелер, жылыжайлар орналасқан.

  Студенттер станцияның мүмкіндіктеріне, жылыжайлар мен агробиологиялық учаскенің жұмыс принциптеріне қызығушылық танытты. Сондай-ақ, олар жас бағбандардың жылыжайда сәндік гүлдер (агератум, рудбекия, петуньи, барқытгүл, астра, цинния, есінекгүл) және көкөніс (тәтті бұрыш, қызанақ, жүгері) көшеттерін қалай өсіретінін, сондай-ақ жас өскіндерді натуралистер станциясы мен қала мектептеріне ұсынатыны жайлы мәліметтер алды.

 Студенттер мен факультет деканының орынбасары Жас натуралистер станциясының қызметкерлерінің  қызықты да танымдық мәліметтері үшін алғыстарын білдіріп, қоштасты.