17.03.2022 ж Қарағанды қаласының даму мүмкіндігі шектеулі балаларға арналған балалар үйінде Жас натуралистер станциясының «Гүл өсіруші дизайнер» үйірмесінің тәрбиеленушілері үшін Наурыз мерекесіне арналған мерекелік іс-шара өтті.

 Педагог Н.К. Олишевец балаларға Азия  халықтары  үшін жыл басы саналатын,  бес мың жылдық тарихы бар Наурыз мейрамының мәні мен маңызы туралы әңгімелеп берді.

  Наурыз – көктем мерекесі, табиғаттың жаңаруы, жаңа жыл мен жаңа өмірдің бастауы.

   Жеткіншектер балалар үйінде Наурыз мейрамын қалай атап өтетіндіктерін айтып, қалыптасқан дәстүрге сай наурыз тақырыбына  өлеңдер оқып берді. 

  Тәрбиеленушілер үшін тәтті-дәмді тағамдар қойылған мерекелік дастархан жайылды. Дастарқан басындағы осы бір отырыс балалардың көңілінде  көктемнің шуақты күніндей жылы әсер қалдырды.