14.03.2022 ж. "Қарағанды облысының білім беруді дамыту оқу-әдістемелік орталығы" КМҚК және "Жас натуралистер станциясы" КММ-нің ұйымдастыруымен облыстық вебинар өтті. Вебинар тақырыбы " Өскелең ұрпақты жасыл экономика аясында экологиялық тәрбиелеу мәселелерін шешудегі заманауи тәсілдер". Вебинардың мақсатты аудиториясы: Қарағанды облысының жалпы білім беретін мектептерінің биология пәні мұғалімдері, экологиялық-биологиялық бағыттағы қосымша білім беру педагогтері.

     ОӘО КМҚК директорының ғылым жөніндегі орынбасары Г. С. Копбаева құттықтау сөз сөйлеп, вебинарды ашып берді.

    Жас натуралистер станциясының педагогикалық ұжымының инновациялық қызметі туралы директордың әдістемелік жұмыс жөніндегі орынбасары Н.К. Олишивец баяндама жасады, аталған материалда педагогтердің онлайн және офлайн режимде балалармен жұмыс істеу нысандары мен әдістері, түрлі конкурстар мен көрмелердегі жетістіктер, әртүрлі ұжымдар мен ұйымдардың арасындағы балалардың дамуы мен шығармашылығына бағытталған өзара іс-қимылдар көрсетілді.

   А.Л. Бекмурзаева гидропоника әдісімен жылыжай өсімдіктерін өсіру әдістері туралы айтып, жас натуралистердің  жылыжайдағы жұмыстарын көрсететін  бейнебаянды көрсетті.

  Сонымен қатар, станция педагогі А.С. Алибаева мектеп аумағын абаттандыру бойынша шеберлік сыныбын көрсетті.

  Станция педагогтерінің баяндамаларынан кейін вебинар тыңдаушылары сирек кездесетін өсімдіктер мен бұталарды өсіру, станция базасында балалардың қатысуымен экскурсиялар, шеберлік-сыныптар, телекөпір өткізу бойынша көптеген сұрақтар қойды.

  Өткізілген іс-шараның қорытындысы бойынша вебинар қатысушылары станция жұмысына оң баға берді, бұл Қарағанды облысындағы биологиялық-экологиялық бағыттағы жалпы және қосымша білім беру мекемелері арасындағы одан әрі жемісті ынтымақтастыққа негіз болмақ.