Биыл Қазақстан Республикасы  тәуелсіздігінің  30 жылдығын атап өтуде.

Тәуелсіздік күні – қазақ елі үшін азаттық пен елдіктің  символы болып табылады. Әрбір қазақстандық үшін аса қастерлі осы бір мерекеге арналған іс-шаралар жоспары аясында 7-13 желтоқсан аралығында Жас натуралистер станциясында станциялық іс-шаралар және үйірме тәрбиеленушілерінің суреттер көрмесі ұйымдастырылды.

Осы іс-шараны өткізудегі негізгі міндеттер: оқушылардың танымдық қызығушылығын дамыту және өз Отанына, өз халқына деген сүйіспеншілік пен мақтаныш сезімін тәрбиелеу. Аталмыш іс-шара оқушылардың бойында Қазақстандық патриотизмді, азаматтықты және толеранттылықты, бейбітшілік пен ұлттық келісімді қалыптастыруға ықпал етеді.                 

 Көрмені рәсімдеу,  грамоталар мен дипломдармен марапаттау іс-шараларына «Қарағанды қаласының Мәдениет, демалыс саябақтары және скверлер басқармасы» КМҚК серіктестік ұйымы қолдау көрсетті.

Көрмеге түрлі бейнелеу техникаларында орындалған 60-тан астам сурет қойылды. Үздік суреттердің авторлары Мәдениет, демалыс саябақтары мен скверлер басқармасы» ұйымы мен  Қарағанды қ. «Жас натуралистер станциясының» мақтау қағаздарымен және алғыс хаттарымен марапатталды.