2021 жылдың 18 қарашасында Жас натуралистер станциясында "Менің үй жануарым" тақырыбында үйірме тәрбиеленушілерінің қолынан шыққан көркемсурет туындыларының көрмесі ұйымдастырылды. Көрмені өткізудегі мақсатымыз – жас натуралистер станциясы оқушыларының назарын жануарлар әлеміне, жануарлар әлемін қорғау проблемаларына аудару, жауапкершілік сезімін және табиғатты қорғауға белсенді қатысуға деген ұмтылысты ояту. Көрме залының міндеттері оқушылардың жануарлар әлеміне қызығушылығын ояту, оқушыларды шығармашылыққаынталандыру болды.

  Көрмеде ұсынылған суреттер түрлі техникада орындалды, акварель және қарындашпен салынған туындылар өте әдемі әрі шынайы шыққан. Сонымен қатар балалар өздерінің сүйікті үй жануарларын фотографияға түсіріп, көрмеге қойды. Көрме мұғалімдер мен оқушылардың табиғат тақырыбында пікір алмасып, тәрбиеленушілердің шығармашылық қабілеттерін дамытуға түрткі болды. Көрмеге барлығы 50-ден астам сурет қойылды.