2021 жылдың 18 қарашасы күні Жайық Бектұров атындағы Қарағанды облыстық жасөспірімдер кітапханасында «Бұл әлем бізге аманат етті» атты ЭКО – микрофон  өтті.

Бұл іс-шараның мақсаты – экологиялық мәдениетті қалыптастыру және тәрбиелеу, сонымен қатар  табиғатқа жанашырлықпен қарау, осы тақырып бойынша әдебиеттермен таныстырып, оларды оқуды насихаттау мақсатында жас ұрпақтың белсенді өмірлік ұстанымын қалыптастыру.

ЭКО-микрофон барысында Қарағанды облысы білім басқармасының Қарағанды қаласының білім бөлімінің «Жас натуралистер станциясы» КММ-нің тәрбиеленушілері қатысты,олар:

• Жанель  Әбдіқалық «С.Саттаров атындағы мектеп-лицей» КММ-нің 6-сынып оқушысы «Тоған суларының ластануына желбезектерді биомеркер ретінде қарау» атты зерттеу жұмысын таныстырды. (Жетекшісі – Жанель Рамазановна Қасенханова);
• Давид Лейман, «№4 көп балалы және аз қамтамасыз етілген отбасылардың балаларына арналған мектеп-интернаты» КММ-нің 9- сынып оқушысы «Проблемы нашего края» атты зерттеу жұмысын таныстырды. (Жетекшісі – Айжан Сериковна Алибаева)
• Анастасия Терещук,  «№21 ЖББОМ» КММ-нің 8-сынып оқушысы «Разделяй, сортируй, сдавай!» атты зерттеу жұмысын таныстырды. (Жетекшісі – Нина Анатольевна Никкель).

Бүгінгі таңда экология мәселелері әлемдегі ең өзекті проблемалардың алдында тұр. Ғалымдар планетаны қалай таза ұстау, адамзатты жаһандық жылынудан құтқару, пайдаланылатын су мен электр қуатын үнемдеу туралы ойлануда. Әр адам қоршаған ортаның тазалығын сақтауға және қорғауға өз үлесін қоса алады. Алайда біздің планетамызда экологияға немқұрайды қарайтын жандарды көптеп кезіктіреміз, бұл түптің түбінде Жер шарындағы  табиғи ресурустардың сарқылуына, экологиялық тепе-теңдіктің бұзылуына әкеп соғады.

Мұндай жағдайлардың алдын алып, тоқтату қажет. Себебі табиғат ешқандай бізден оны қолданғанымыз үшін ақы сұрамайды, тек ұқыпты және жанашыр қарым-қатынасты күтеді. Табиғатта «зиянды» немесе «пайдалы» тіршілік иелері жоқ екенін мойындауымыз керек. Жер бетінде табиғаттың әр жаратылысының өз орны бар. Табиғатта нәзіктік қатыгездікпен қатар жүреді, өйткені бір түрдің тіршілігі екіншісінің есебінен жүреді. Бұл тізбекті бұзу – орны толмас табиғи апаттардың бастамасы болмақ.  

«Бұл әлем бізге аманат» деп аталатын эко-микрофон біздің ортақ үйіміз, Жер шары – планетамызға сұйңспеншілікпен қарап, қорғау керек екендігі жайлы ойландырып тастады.