2021 жылдың 4 қарашасы күні экологиялық бағыттағы қосымша білім беру мекемелері арасында Қазақстан Республикасы Тәуелсіздігінің 30 жылдығына арналған виртуалды форматтағы телекөпір өтті. Станция үйірмелері тәрбиеленушілері арасында тәжірибе алмасу бойынша ұйымдастырылған іс-шараның тақырыбы - "Зерттеу процесі арқылы ғылымға деген қызығушылықты қалыптастыру". Негізгі мақсаты — жас ұрпақтың бойында патриоттық сезімді, Отанға деген сүйіспеншілікті, Қазақстанның тарихи өткенін, бүгіні мен жарқын болашағы үшін мақтаныш сезімін тәрбиелеу, белсенді өмірлік ұстанымды қалыптастыру, рухани-адамгершілік құндылықтарды нығайту.

   Телекөпірге Жас натуралистер станциясы үйірмелерінің тәрбиеленушілері (Қарағанды қаласының орта мектептерінің оқушылары (№48, Н. Әбдіров атындағы ЖББМ, Б. Момышұлы атындағы мектеп Қарағанды облысы) және Алтай (ШҚО) білім ұйымдарының оқушылары қатысты.

    Іс-шара барысында мультимедиялық таныстырылымдар, экологиялық жобалар бойынша баяндамалар ұсынылды, сондай-ақ викторина өткізілді.

    Бірінші болып З.И. Тукбаеваның жетекшілігіндегі "Химия және қоршаған орта" үйірмесінің оқушылары "Мен тұратын қала"тақырыбында мультимедиялық баяндама жасады. Өз жұмыстарында олар телекөпір қатысушыларын Қарағанды қаласы және облыст тарихымен және бүгінгі  әлеуметтік-экономикалық жағдайымен таныстырды.

    Телекөпірдің келесі кезеңінде  Қазақстан Республикасының Тәуелсіздік күніне арналған викторина ұйымдастырылды, бұл білім сайысында балалар өздерін өз Отанының білгірлері мен патриоттары ретінде көрсете білді. Еліміздің тарихы, мәдениеті, қазақ әдебиеті, география пәндері бойынша тамаша білімдерін танытты.

    "Жас бағбан" үйірмесінің тәрбиеленушілері М. Ескермес пен А. Сайлаубай "Көп жылдық дәрілік өсімдіктерді көбейту әдістерін зерттеу" жобасын ұсынды.

  "Эколог-зерттеуші" үйірмесінің тәрбиеленушісі Е. Крутова "Өсімдік тағам қалдықтарын өңдеуге арналған қолдан жасалған қондырғы" атты ғылыми жұмысын ұсынды.

      "Флористика және фитодизайн" үйірмесінің жетекшісі А.М. Қалықбергенова өзінің "Гидропоникада дәмдеу шөптерінің өсіру әдістері" тақырыбындағы ғылыми-зерттеу жұмысы туралы айтып берді.          

   Екі облыстың жас натуралистер станцияларының қатысушылары іс-шараны түйіндей келе, мекемелер арасындағы байланыстардың тиімді әрі жемісті болғанын атап өтті, ал Экологиялық-биологиялық бағыттағы республикалық үйлестіру кеңесінің төрағасы З.А. Аришева өз кезегінде кеңес ұжымының экологиялық бағыттағы қосымша білім беру ұйымдарына жан-жақты көмек көрсететіндіктерін, станциялармен ынтымақтастық форматын, оның ішінде экологиялық ғылыми зерттеулердегі заманауи әдістер мен инновациялық технологияларды енгізу бойынша жұмысты жалғастыратындарын  мәлімдеді.