2021 жылдың 19 қазанында Жас натуралистер станциясының «Химия және қоршаған ортаны қорғау» үйірмесінің тәрбиеленушілері – №48 ЖББОМ-нің  8-сынып оқушылары Қарағанды хайуанаттар бағына саяхаттап барды.

         Экскурсияның мақсаты балаларға түрлі табиғи ортаны мекендейтін жануарлар жайлы ақпарат беру,  түсініктерін қалыптастыру; оларды жануарлардың маусымдық өзгерістерге байланысты тіршілігімен таныстыру, танымдық қызығушылықтарын дамыту; жануарларға деген сүйіспеншілігін қалыптастыру.

       Экскурсия барысында балалар хайуанаттар бағын мекендейтін алуан түрлі  құстар, жыртқыштар және шөпқоректі хайуанаттардың бақтағы  тіршілігімен танысты. Қарағанды хайуанаттар бағының ғылыми қызметкері Ербол Тасболатұлы Байқанов балаларға жануарлардың табиғи мекендеу ортасындағы дағдылары мен мінез-құлқы, хайуанаттар бағындағы өмір-тіршілігінің ерекшеліктері мен кем тұстары жайлы қызықты және танымды ақпарат берді. Сондай-ақ, хайуанаттар бағында серуендеу ережелерін түсіндірді.

      Бақтың жас қонақтары хайуанаттар бағын аралап көріп, әрі еркін серуендеп, әрі жақсы да жағымды эмоцияларға бөленіп, әрі жан-жануарлар туралы білімдерін толықтырып қайтты.