Күнделікті өмірімізде осы қарапайым ережелерді есте сақтаңыз...

1. Өмірге қауіп төнген жағдайларда қандай  қызметтерге жүгіну керектігін жасөспіріммен бірге талқылаңыз.

2. Өмірге қауіп төнген жағдайларда қажет болатын телефон нөмірлерін айтыңыз.

3. Оған өзіңіздің жұмыс және басқа телефон нөмірлеріңізді, сондай-ақ сенетін адамдардың телефон нөмірлерін беріңіз.

4. Балаңыздың бойында те көз жетістіктері туралы емес, бойындағы  күмәндары мен қорқынышын да айта алатындай сенім қалыптастырыңыз.

5. Әрбір қиын жағдайды назардан тыс қалдырмаңыз, онымен талдаңыз.

6. Баламен қиын жағдайлардан шыққан адамдардың тапқырлығы мен батылдығын  талқылаңыз.

7. Егер қандай да бір жағдайда ол күші және ақыл-ойы жағынан өзін әлсіз көрсеткен болса, оны келемеждемеңіз, сынамаңыз. Оған көмектесіңіз және оны қолдаңыз, мәселені шешудің жолдарын көрсетіңіз.

8. Егер сіздің балаңыз дене бітімі жағынан әлсіз болса, оны спорттық секцияларға  жазып, оның жетістіктеріне қуаныңыз, барынша қолдаңыз.

9. Егер сіздің таныстарыңыз бен достарыңыздың бірі сіздің балаңызға қатысты алаңдаушылық танытса, күмәніңізді тексеріп, сол адаммен көп сөйлеспеңіз.

10. Балаңыздың адамның физиологиясына қатысты сұрақтарына жауап беруден кешікпеңіз, әйтпесе оларға басқа адамдар жауап беруі мүмкін.

11. Баланы ерте жастан бастап өз іс-әрекеттеріне жауап беруге және шешім қабылдауға үйретіңіз.

12. Балаға өз әрекеттерінің нәтижесі неге апарып соқтыратынын пайымдауды алдын-ала үйретіңіз, оған "егер осылай жасасам, соңы не болады?"- деген сұраққа жауап іздеуді  қалыптастырыңыз.

13. Егер сіздің балаңыз еркінен тыс жыныстық зорлық-зомбылыққа душар болса, оның бойында  өмір осымен бітті деген ой қалыптастырмаңыз, бала қорқынышты нәрсе жасағандай әрекет етпеңіз.

14.Балаңыздың көзінше оның іс-әрекеттерін, әсіресе, бейтаныс адамдармен талқыламаңыз.

15. Балаңыздың бойында кез келген  оқиға үшін өзін-өзі  кінәлай беру комплексін қалыптастырмаңыз.

16. Басқа адамдардың  балаңызға көп ескерту жасап, тіпті,  жанашырлық пен аяушылық білдіруіне жол бермеңіз. Бұл жасөспірімде "мен басқа балалар сияқты емеспін" деген  кері ой тудыруы мүмкін.

17. Балаңыздың басынан өткен  ең қиын жағдайды соңына дейін және ашық айтуына  мүмкіндік беріңіз. Бұл оған өзін-өзі кінәлап, табалай беруден арылуға көмектеседі.