Жас натуралистер станциясының агробиологиялық учаскесінде 2020-2021 оқу жылында жазғы уақытта Қарағанды қаласының жоғары оқу орындарының студенттері өндірістік тәжірибеден өтті.

        Е.А. Букетов атындағы Қарағанды мемлекеттік университетінің "Биотехнология" және "Қазтұтынуодағы" Қарағанды университетінің "Экология" мамандығы бойынша  білім алатын 65 студентучаскеде жұмыс жасады.

    Өндірістік тәжірибенің  студенттердің қоршаған ортаны қорғау, биология және экология саласында теориялық және тәжірибелік  білімін жетілдіру.

       Өндірістік тәжірибе кезінде студенттер келесі жұмыстарды жасады:

- топырақтың жоғарғы құнарлы қабаты күрекпен қазу, яғни, топырақты қолмен өңдеу;

- көшеттер отырғызу, біржылдық және көпжылдық өсімдіктерге күтім жасау, агробиологиялық учаскеде өсетін өсімдіктердің түрлік құрамын зерттеу;

-   өсімдіктерді және жеміс-жидек ағаштарын, жүзімді, жас көшеттерді суару;

-   жабайыөсімдіктерді отау.

    Қосымша білім беру мұғалімдері жылдық және көпжылдық өсімдіктер отырғызылған екі қосалқы жылыжайда студенттермен бірге егу, суару және топырақты қопсыту жұмыстарын жүргізді. Сондай-ақ, жабық жылыжайда: пальма, агава, папоротник, фикус және т. б. Ағаштарын өсіру әдістерімен таныстырды.

   Жалпы, осындай жылдық және көпжылдық өсімдіктерге күтім жасап, келесі маусымға тұқым алу жұмыстары  күздің аяғына дейін жалғасады.