2021 жылдың 27 тамызы күні 30 тамыз Конституция күніне орай "Жас натуралистер станциясының" үйірме оқушыларына арналған онлайн викторина өткізілді. Онда мемлекеттік рəміздеріміз туралы сұрақтарқойылып, балалардың білімі тексерілді.

       Биыл Қазақстан Республикасы Конституциясының қабылданғанына 26 жыл болды. Еліміздегі басты құжат 1995 жылы 30 тамызда бүкілхалықтық референдумда қабылданған. Содан бері 30 тамыз мемлекеттік мереке болып саналады.

      Конституция бұл - халықтың еркіндігін айшықтайтын құжат өзінің нормалары мен қағидаларымен ғана емес, бекітілген идеялары арқылы да қоғам мен мемлекетті өркениеті дамыған елдердің қатарына жетелейді. Сол себепті басты міндет – жеке тұлғалардың, қоғамдық ұйымдардың және мемлекеттік органдардың Республика Конституциясына деген дәстүрлі құрметін дамыту. Жəне оқушылардың Отанына деген патриоттық сезімін ояту.