2021 жылдың 20 мамыры күні Жас натуралистер станциясында саяси қуғын-сүргін құрбандарын еске алу күніне арналған онлайн іс-шара өтті.

     Кездесуде Қарағанды жерінде орналасқан КарЛАГ — Қарағанды еңбекпен түзету лагері жайлы таныстырылым көрсетілді.

     КарЛАГ  бүкіл КСРО-ның саяси тұтқындары жіберілетін ең ірі азап аралы болып табылды.

   1930-1950 жылдары Қарағанды аумағындағы Спасск кентінде КСРО ІІХК - ІІМ бөлімшелері, әскери тұтқындар мен тұтқындарға, сондай-ақ қуғын-сүргінге ұшыраған КСРО азаматтарына арналған лагерь орналасқан. Мұрағат деректері бойынша Спасск зиратында 5000-нан астам түрлі ұлт өкілдері жерленген.

    Қарағанды жерінде тоталитарлық жүйенің сүргін символына айналған Карлаг қана емес, сонымен қатар жантүршігерлік  жағдайда жазасын өтеп, азапталған көптеген ұлт өкілдері өмірі үшін күрескен басқа да лагерь орындары болған еді. Сол зұлматты жылдардың құрбандарының қатарында Сәкен Сейфуллин, Мағжан Жұмабаев, Ілияс Жансүгіров, Бейімбет Майлин, Ахмет Байтұрсынов сынды қазақтың көрнекті қайраткерлері болды.

       Аталған іс-шараға станция педагогтері, үйірме тәрбиеленушілері қатысты.