2021 жылдың 28 мамыры күні Халықаралық балаларды қорғау күнін мерекелеу қарсаңында және  Қарағанды хайуанаттар зообағымен ынтымақтастық  аясында Жас натуралистер станциясының педагогтері мен тәрбиеленушілері хайуанаттар бағына барды.

      Өмірінде кем дегенде бір рет хайуанаттар бағына бармаған адамды табу қиын шығар. Экскурсия жетекшісі хайуанаттар бағы жайлы қызықты  ақпараттар беріп, жануарлар, құстар мен балықтардың алуан түрлерімен таныстырды.  Балалар хайуанаттар бағында ұзақ уақыт серуендеді, жануарлардың түрлерімен танысып, олар жайлы қызықты оқиғаларды тыңдады. Әсіресе, балаларды қоңыр аю, маймыл  мен тауықтардың түрлері қызықтырды.

        Экскурсия барысында біз хайуанаттар бағының біртіндеп өзгергендігіне куә болдық, жануарларға арналған жаңа ғимарат, кең қоршау салынғанын көрдік. Балалар өздеріне ұнайтын жануарлардың жанына суретке түсіп, мәз-мейрам  болды.

    Экскурсия бәріне ұнап, балаларға хайуанаттар бағының «тұрғындары»   туралы қосымша білім беру үшін станция оқытушылары мен бақ қызметкерлері одан әрі ынтымақтастық орнату қажет деген пікірге келді.