2021 жылдың 6 мамыры  күні Жас натуралистер станциясында 9 мамыр - Жеңіс күніне арналған онлайн іс-шара өтті. Іс - шара Ұлы Отан соғысы майданында соғысқан қарағандылық жерлестеріміздің құрметіне орай ұйымдастырылды.

       Соғыс жылдары Қарағанды облысынан қан майданға барлығы 45000-ға жуық адам  жіберілді. Қарағандылықтар Отанымыздың намысы, бостандығы мен тәуелсіздігі үшін күресте бұрын-соңды болмаған ерлік, батылдық, қайсарлық пен табандылық танытты. Олар Мәскеу мен Ленинград үшін болған шайқаста ерліктің  ғажайып үлгісін көрсетті. Сталинград шайқасында  жан беріспей, ұрпақ болашағы үшін Беларуссия, Украина, Молдова және Балтық елдерін азат етуге қатысты. 6587 қарағандылық Ұлы Отан соғысында көрсеткен ерлігі мен батырлығы үшін ордендер және медальдармен марапатталды. Қарағанды облысының тумасы 18 азаматқа Кеңес Одағының Батыры атағы берілді, олардың ішінде бәрімізге белгілі Н. Әбдіров, М.Мамраев сынды аға ұрпақ өкілдері бар.

       Әскери сынақтар кезінде одақтас республикалардың тылдағы аса маңызды әскери-өнеркәсіптік базасы ретінде Қазақстанның индустриялық орталығы – Қарағанды облысы үлкен рөл атқарды. Жерлестеріміз шахталарда, өндірістік кәсіпорындарда, сондай-ақ халық шаруашылығының түрлі салаларында осы онлайн режимде өткен кездесуде  тыл еңбеккерлерінің қатарында болған станция ұжымының туыстары: Н.К Олишевецтің атасы  —В.Ф. Рябчекко, Ж. Ж. Канафинаның әкесі — Жанкин Жақаш, П.А. Шликбаеваның атасы — Қ. Қ. Шликбаев,  Б.Т. Аяшеваның атасы — А. Кенжеғұловтың өмірбаяны, өткен жолы жайлы әңгіме айтылды. Іс-шараға станция педагогтері, үйірме тәрбиеленушілері және ҚЭУ студенттері қатысты.