2021 жылғы 13 мамырда Қарағанды қаласының Жас натуралистер станциясына қосымша білім беру ұйымдары арасында экологиялық білім мен тәрбие алмасу мақсатында Қарқаралы қаласының Жас туристер станциясының @karkaraly_turizm тәрбиеленушілері (11 оқушы және 3 педагог) саяхаттап келді.

       Қонақтар үшін агробиологиялық учаске мен жылыжайда экскурсия өткізілді.Онда балалар бөлме өсімдіктердің түрлерімен танысып, олардың адамдар өмірі үшін маңызы жайлы мәлімет алды. Содан кейін жас саяхатшылар табиғи материалдардан қолөнер бұйымдарын дайындау бойынша шеберлік-сыныптарына қатысты.

       Балалармен бірге станция тәлімбағына катальпа көшеттері отырғызылды. Қонақтар станцияға 20 қара өрік пен қарақат көшеттерін сыйға тартты. Станция оқытушылары өз кезегінде қонақтарға катальпа көшеттерін, биохумус алу үшін қажетті калифорниялық құрттарды және бөлме өсімдіктерін ұсынды.

        Экскурсия соңында балалар Қарағанды қаласының экомузейін тамашалады.  Жас туристер станциясының тәрбиеленушілері мен ұстаздарының көңілінен шыққан саяхат барысында екі ұйым өзара  ынтымақтастықты жалғастыруға шешім қабылдады.