2021 жылдың 1 маусымында Балаларды қорғау күні мерекесіне орай  Қарағанды қаласының жас натуралистер станциясының  тәрбиеленушілері — № 48 ЖБМ оқушы-волонтерлері  «Абсолют» жаңа ғимаратына қарама-қарсы  алаңқайға гүл отырғызды.

       Көгалдандыру  – табиғатты танудың  тамаша тәсілі әрі балалардың басын қосу үшін бірден-бір  себеп. Қаламыздың әрбір тұрғыны туған жеріміздің табиғатын сақтап қалуға, гүл өсіріп,  ағаш отырғызуға өз үлесін қоса алады.

       Акцияның ұйымдастырушылары —Қарағанды қаласының әкімдігі, Қарағанды қаласы әкімдігінің «Мәдениет, демалыс саябақтары және гүлзарлар басқарамасы»КМК және «Терция»  компаниясы. Акцияға жас натуралистер станциясының педагогтері де қатысты. Жас натуралистер станциясы хризантема көшеттерін дайындап, гүлзарларға петуниялар мен басқа да гүлдер отырғызды.