ХХ ғасырдың соңында әлемде адам қызметінің барлық салаларын қамтитын «Жасыл технологиялар» деп аталатын жаңа ғылым жәнепрактикабағыты қалыптасты және қазіргі уақытта дамып келеді. «ЭкоОбраз»ҚБ жүзеге асыратын «Жезқазған өңіріндегі климаттың өзгеруіне бейімделу үшін ауыл шаруашылығында жасыл технологияларды пайдалану» жобасының арқасында Жас натуралистер станциясы өзінің агробиологиялық телімде жасыл технологияларды іске асыруға мүмкіндік алды. Мұнда тамшылатып суару, гидрогельді пайдалану және Калифорния құрттарыкөмегімен биогумус өндірісісияқты тәжірибелер өткізіледі. Станцияның басты міндеті балалардың практикаға бағытталған ғылыми-зерттеу қызметі болып табылады. Үйірме оқушылары жаратылыстану (ботаника, экология, экологиялық өлкетану) саласындағы зерттеу қызметімен айналысуға бағдарланған. Барлық алынған материалдар білім беру барысына жасыл технологияларды енгізу бойынша жобаларды жүзеге асыру үшін пайдаланылатын болады.

Қазіргі уақытта Жас натуралистер станциясының педагогтары мен оқушылары «Гидропониканы бөлме және көкөніс өсімдіктерін өсіру әдісі ретінде пайдалану», «Тағамдық өсімдік қалдықтарды қордаландыру», «Тұқымнан сәндік және жеміс ағаштарын өсіру», «Қалалық саябақта және оған іргелес аумақтарда экологиялық экскурсиялардың маршруттарын дайындау» сияқты экологиялық жобалармен жұмыс істеуде.

Қазіргі уақытта станцияда 3 жылыжай бар, олардың бірі қала мектептерін және ЖНС агротелімді көгалдандыру үшін сирек кездесетін өсімдіктермен және гүл көшеттерін өсіруге арналған. Бұл жылыжайда өсімдіктерді топырақсыз өсіруге арналған гидропоникалық қондырғы бар. Сәндік және жеміс ағаштары мен бұталарын өсіруге арналған питомнигі бар. Питомникта өрік, қара өрік, емен дәндері, каталпа тұқымдары және басқа да өсімдіктер отырғызылады. 2021 жылдың көктемінде маусымдық жылыжайда тамшылатып суару жүйесін орнату жоспарлануда. Ресурстық орталықпен көрсетілген көмек маңызды.