«№102мектеп-гимназия» КММ-де  Елбасының үндеуін талқылауға арналған «Елбасы үндеуі – жаңарудың жаңа қадамы» атты дөңгелек үстел өтті. Жолдауда айтылған маңызды мәселелер бойынша пікір алмасу, ой қорыту шарасына мектеп-гимназия ұстаздары мен оқушылары және Е.А.Бөкетов атындағы ҚарМУ-дың Қазақстан тарихы және Қазақстан Халқы Ассамблеясы кафедрасының аға оқытушысы, PhD докторанты Н.Б.Смағұлов,  Е.А.Бөкетов атындағы ҚарМУ-дың аға оқытушысы тарих магистрі А.А.Баймагамбетова, тілдерді оқыту орталығының әдіскері М.Ш.Ағымбаева, қамқоршылық кеңес мүшесі М.З.Абросимова, бірінші Қарағанды каналының өкілдері қатысты.

Мектебіміздің 10-сынып оқушылары Н.Василенок, Қ.Қарабалаев, Ғ.Нұрланқызы Елбасы жолдауы бойынша үш тілде пікірлерін білдіріп, елбасы қабылдаған шешімнің маңызын талқыға салды. Сөз соңын мектеп директорының тәрбие-ісі жөніндегі орынбасары Оспанова Бакыт Калдаевна  талқылауға салынған жолдаманы Елбасымыздың баршаға белгілі саяси қолтаңбасының жарқын көрінісі деп қорытындылап, аталған іс-шараға қатысушыларды алғыс хатпен марапаттап, құрмет білдірді.

Мектеп-гимназияның қазақ тілі мен әдебиеті пәнінің мұғалімі, жас маман А.Е.Нұртай елбасы үндеуі – болашақ үшін орындалып жатқан игі іс екенін айта келе, қазіргі таңда еліміздің жас мамандарға жалпы жастар қауымына үлкен қолдау көрсетіліп жатқанын баса айтты. «Болашақ – прогресшіл әрі жалынды жастардың қолында» деп түйіндеді.

№102 мектеп-гимназиямыздың табалдырығы кеше ғана қаланса да осындай маңызды отырыстар мен іс-шаралар жиі болып тұратыны көңіл қуантады. Елбасы үндеуін қолдау бір адамның не бір мектептің емес бүтін халықтың, әрбір Қазақстандықтың алдындағы міндеті.