«Құқықтық навигатор» тақырыбындағы Құқықтық сауаттылық апталығы аясында 2021 жылдың 8 ақпанында құқықтану пәнінің мұғалімдері А.Рахимова мен Ә.Садуакасовтың ұйымдастыруымен

"Менің мектепке баратын жолым қауіпсіз бе?" тақырыбында 5-7 сынып оқушылары мен ата-аналарының қатысуымен зерттеу жұмысы болып өтті. Жоба қорғау барысында ата-аналардың тарапынан баласының мектепке барып қайту жолын зерттеу мақсатында бейнероликтер түсіріліп, презентацияларды қорғау арқылы ортаға салынып нәтижесінде проблемалық сұрақтар туындауымен қатар қауіпсіздікті қадағалау жақтары да айтылды. Балалардың құқығын қорғауда жан-жақты құқықтық сауаттылықтың маңызды жақтарын қатысушы ата-аналарымыздан байқай отырып, "Үштік Одақ" жұмысының тағы бір жемісін көрдік десек те болады. Сонымен қатар ата-аналар осындай атаулы шараның ұйымдастырылуына алғыстарын білдірді. Барлық қатысушыларға үлкен рақмет айта отырып, бала құқығы – басты құндылықтардың бірі екенін және де осы жауапты іске екі жақты қарау біздің басты міндетіміз екенін айтқымыз келеді!