29 – қазан – Қамқоршылар күні. Бұл мереке қамқоршыларға  арналған, оларға ризашылық білдіру, оларды қолдау мақсатында аталып өтеді.Халқымыз қашанда өз қанынан жаралған ұрпағын жатқа бермейтіндігімен ғана емес, өзгенің де жетім қалған көгенкөздерін де бауырына басып, жүрек жылуын аямайтын дархан көңілімен де ерекшеленген. Оған дәлел, сонау ХІХ ғасырдың ашаршылық жылдарындағы оқиғалар мен Ұлы Отан соғысындағы жер аударылып келген өзге ұлт балаларын жетімсіретпей бауырына басқандығы.

 Гимназия оқушыларының  ұйымдастыруымен  27  қазан күні мектебіміздің қамқоршыларына арналған мерекелік іс шара болып өтті. Қамқорлыққа алынған 6 оқушының 5 қамқоршысы қонақ ретінде мектебімізге шақырылды. Оқушылардың шын жүрегінен арналған әндер қонақтарымызды бей жәй қалдырмады. Кеш соңында ризашылығын білдірген қамқоршылар көздеріне жас алып тарқасты. Кешті ашқан директордың тәрбие ісі жөніндегі орынбасары Мықтыбек Жандос Сабырбекұлы  қамқоршыларымызға арналған алғыс хаттар мен шағын сыйлықтар тапсырды.