Наурыз мерекесі аясында Ахмет Байтұрсынов атындағы мектепте “Өнегелі өмір” жобасы бойынша ұйымдастырылған кездесуге “Оқушылар сарайының” “Асыл мұра” және “Шебер қолдар” үйірмесінің жетекшісі, этнодизайнер Қалиев Мұрат Құдайигенұлы да арнайы шақырылған қонақ ретінде қатысып қайтты. Тәжірибелі педагог М.Қалиев өз еңбек жолында ұлттық салт- дәстүрлерді дәріптейтін өнімдерді жасауды балаларға үйретіп, оның пайдасы, пайдалану жолдары туралы кең насихаттайтынын айтып өтті. Педагог қатысушылардың сұрақтарына жауап беріп, алдағы қойған жоспарларымен бөлісті. Кездесу тартымды және қызықты өтті.