18 наурыз- Ұлттық киім күніне арналған үлкен іс- шара Қарағанды қаласы Кеншілер мәдениет үйінде кеңінен аталып өтті. Бұл іс-шараға Сұрыптау кентіндегі “Оқушылар сарайының” қосымша білім беру педагогы, Қазақстан этнодизайнерлер бірлестігінің мүшесі Мұрат Қалиев та қатысты. Тәжірибелі ұстаз, өз ісінің маманы М. Қалиев қазақ халқының ұлттық қолөнер түрлерін өз туындылары арқылы көрсете алған ұстаздардың бірі. Әсіресе, шебер қолынан шыққан ер тоқым, ожау, қалқан, садақ және т.б. туындылар көпшілік көңілінен шыға білді.