Қарағанды қаласы “Оқушылар сарайының”педагогтары Наурыз мейрамы құрметіне “Бастау”тобының тәрбиеленушілері үшін “Шаңырақ” атты этноконструктор сабағында қазақтың алты қанат киіз үйін тігудің жолдарын үйретті. Сабаққа балалар мен қатар ата- аналар да қатысты. Этноконструктор сабағының негізгі мақсаты: өскелең ұрпаққа ата-бабамыздан келе жатқан ұлттық мұра-баспананың құрылымы мен құрастыру жолдарын үйрету болды.

Қазақ киіз үйін жинай отырып, балалар ата-аналарымен бірге қазақ мәдениетінде пайдаланылатын көшпенділердің дәстүрлі тұрғын үйі туралы кең мәлімет алды. Қазақ халқының нағыз алты қанатты киіз үйін құрастыра отырып, мұның қазақ мәдениетіндегі көшпенділердің дәстүрлі тұрғын үйі болғанын танып білді. Қатысушылар киіз үй тіге жүріп, қазақ мәдениетіндегі үлкен отбасылық шара екендігі жайында терең білім мен дағды қалыптастырды.