Қарағанды қаласында халқымыздың ұлттық құндылықтарын насихаттау мақсатында құрылған қоғамдық қор «Дарабоз» этнодизайнерлік орталығында үлкен іс-шара ұйымдастырылды. Бұл іс-шараға «Оқушылар сарайының» Сұрыптау кенті филиалындағы «Шебер қолдар» үйірмесінің педагогі Қалиев Мұрат Құдайигенұлы да шақырылды. Ұлттық өнерді дәріптеп жүрген тәжірибелі ұстаз көрмеге өзінің туындыларын ұсынып, әріптестерімен пікірлер алмасты. Мәдени салада халқымыздың өнерін дәріптеудің түрлі жолдары жайында мәселелер ортада талқыланды. Соңында, ел мәдениетін насихаттап, қаланың мәдени өміріне белсене ат салысып жүрген Мұрат Құдайигенұлының еңбегі бағаланып, Қарағанды әкімдігінің мәдениет және тілдерді дамыту бөлімі мен «Дарабоз» ЭДО- ның Алғыс хаттары табысталды.