11 желтоқсан күні «Біртұтас тәрбие бағдарламасы» аясында 16 желтоқсан - Тәуелсіздік күні қарсаңында Оқушылар сарайында журналистика үйірмесінің тәрбиеленушілеріне және педагогтарына қазақ халқының киіз басудан шеберлік сабағы ұйымдастырылды.
Қазіргі уақытта Қазақстанда осы қолөнер жандана бастады. Бүкіл әлемде киіздің табиғилығы, экологиялылығы, жеңілдігі мен қолайлылығы, қой жүнінің денсаулыққа пайдалы қасиеттері жоғары бағаланады. Киіз бұйымдар халыққа өзінің түп-тамырын еске сала отырып, қазақтардың мәдени құндылықтарын айқын көрсетеді.
Осыған орай, Оқушылар сарайының педагог ұйымдастырушысы Садвакасова Нурбике Муратовна қатысушыларға киіз басу техникасы туралы толық мағлұмат берді, ылғалды киіз басу технологиясын көрсетті және қатысушылармен қазақтар өмірінің этнографиялық сюжеттерін бейнелейтін петроглифтерінде кездесетін бейнені, жапсырма әдісімен төс белгісін жасады.
Авторство:
