2 маусым күні Қарағанды қаласының "Жастар ресурстық орталығы" мен "Қазақстан азаматтары қоғамдық бірлестігі" Қарағанды қаласының "Оқушылар сарайымен" бірлесіп, туған өлкенің мәдениеті мен этнографиясын зерделеу бойынша "Еріктілермен саяхат" жобасы аясында бір күндік көшпелі экскурсия ұйымдастырды. 

"Еріктілермен саяхат" жорығы - жастарды және халықтың әлеуметтік осал топтарын қолдауға бағытталған. Олардың көбі туристік сапарларды жүзеге асыруға мүмкіндіктері келмейтін санаттағы балалар.

№4 мектеп-интернатының және №22 негізгі орта мектеп-интернатының оқушылары   Қазақстанның Швейцариясы атанған Қарқаралы жеріне барды. Экспедицияның бірінші пункті Қарқаралы-тарихи-өлкетану мұражайына саяхат болды. Ал екінші аялдама- ұлт ұстазы Ахмет Байтұрсыновтың өмірі мен қызметіне арналған "Ақтерек" ауылының мектеп-мұражайына ат басын тіреді. 

Соңында, экспедицияның  ең қиын, бірақ сонымен бірге ең әдемі пункті -  "Шайтанкөл" көліне саяхат болды.  Шайтан көл- теңіз деңгейінен мыңдаған метр биіктікте орналасқан және  орман,  жартастармен  қоршалып, жетуі қиындық туғызатын жер. Дегенмен,

уақыт тез өтті, балалар біраз шаршады, бірақ олар үшін жарқын эмоциялар мен қызықты  әсерлерге толы демалыс болды. Балалар жаңа, тың ақпараттарға толы көңіл-күймен үйлеріне оралды. Ал алда әлі жаз мезгілі тұр, яғни оларды жаңа жорықтар мен жаңа танысулар , терең білім жолы   күтеді.

 

ВИДЕО