Қарағанды облысының Білім Басқармасы Халықаралық балаларды қорғау күніне орай «Балалардың игілігі үшін» атты үлкен мерекелік іс-шара өткізді. Іс- шарадағы алғашқы сөз кезегін алған Қарағанды облысы Білім Басқармасы басшысының орынбасары А. Т. Бөлкенбаев мырза бүлдіршіндерді бүгінгі мерекемен құттықтап, алдағы өмірлеріне жарқын болашақ тіледі. «Оқушылар сарайының» алдында ұйымдастырылған «Балалық шақтың жұлдызды сәті» атты бұл үлкен концерттік бағдарламаға «Оқушылар сарайының», №1, №2 , №3 Балалар музыка мектептерінің, №2 Балалар өнер мектебінің балалар шығармашылық ұжымдары мен солистері қатысты. №1 балалар көркемсурет мектебінің оқушылары өз жұмыстарының көрмесін, сондай-ақ асфальтта сурет салу фестивалін ұсынды. Сонымен қатар, балаларға арналған «Тоғызқұмалақ», «Шахмат», «Анам, әкем және мен» отбасылық спорттық ойыны, «Асық ату» мен кәсіптік бағдар беру мақсатындағы жұмыстар және «Таңғажайып әлем» атты суреттер көрмесі тәрізді бірнеше алаңдар жұмыс істеді. Сонымен бірге, «Оқушылар сарайының» «Брависсимо» балалар театр студиясының оқушылары бағдарлама қатысушыларының көңіл- күйлерін көтеру мақсатында мерекелік флешмоб ұйымдастырды. Ал, «Оқушылар сарайының» педагогтары балалармен «Қауіпсіз жаз» тақырыбында станциялар бойынша ойындар өткізді. Сондай-ақ, бүгін балаларды қорғау күніне арналған мерекелік іс - шаралар аясында көрермендер залында «Ала гүлдер» үлгілі бейнелеу өнері студиясының «Волшебный мир творчества - 2023» студиялық көрмесінің жеңімпаздарын, яғни дайындық және кіші топ тәрбиеленушілерін марапаттау рәсімі өтті. #летовдопобразовании2023 #жаз_қосымшабілімберу2023 #zhazqosymshabilim2023 @goroo_krg @rumcdo_official @gulsimkozhahmetova @saryarkadaryny.kz #элеуметтік_педагогикалык_багыт #социально_педагогическое_направление #4ТОҚСАН #ТУҒАНӨЛКЕМ #unescoclubskz @gulsimkozhahmetova @obb_qaragandy @umckrg